Neritan Sejamini ka folur për negociatat që kanë nisur mes mazhorancës dhe opozitës për normalizimin e Parlamentit.
I ftuar në emisionin “Të Paekspozuarit” në MCN TV, Sejamini tha se bashkimi i opozitës ka qartësuar pozicionin e palëve dhe tani edhe ndërkombëtarët e kanë pranuar se opozita bashkëd dhe Lulzim Basha ka mbetur vetëm, ndaj nuk mund të pretendojë më të ketë vulën e partisë.
Analisti shtoi se çështja e vulës duhet të zgjidhet sa më parë.
“Çfarë ka ndodhur deri tani? Zoti Basha është një akt solo, tek pull. Nëse deri dje kishte diskutim, sot kuptohet që Lulzim Basha është individ i vetëm.
Sot duhet të diskutohet çështja e vulës. Kemi një individ me 2-3 ndihmësa, që pretendon vulën dhe një parti siç ishte, bashkë.
Edhe të huajt tani po e pranojnë. Po mundohen, të mos pranojnë Berishën si kryetar, por të pranojnë opozitën në përlament. Kur kërkojnë ndryshime të caktuara, do të thotë që ata e njohin. Është zhvillim pozitiv. De facto të gjithë e kanë pranuar, që PD pas tre vitesh luftra të brendshme, ka vetëm një Parti Demokratike. Këtu duhet të mbyllet çështja e vulës, duhet të bëjmë presion për këtë.
PD duhet të funksionojë si parti, të ketë emrin dhe identitetin e vet”. tha Sejamini.
