Ish-kryeministri Sali Berisha dhe dhëndri i tij Jamarbër Malltezi i janë drejtuar sërish Gjykatës së Posaçme për zëvendësimin e masave të sigurisë të vendosura nga GJKKO me kërkesë të SPAK, lidhur me privatizimin e kompleksit “Partizani”.
Në kërkesën e drejtuar gjykatës avokatët e Berishës dhe Malltezit argumentojnë se në këtë faze që ndodhet hetimi janë zbutur nevojat për mbajtjen e tyre në masën “arrest shtëpie” dhe për këtë arsye kërkojnë vendosjen e një mase me të lehtë. Kërkesat do të shqyrtohen sot nga gjyqtarja Irena Gjoka, e cila është gjyqtarja e hetimeve paraprake.
Gjyqtarja Gjoka ka caktuar orën 13.00 për t’i shqyrtuar të dyja kërkesat në një seancë, pasi edhe kërkesat janë të njëjtat dhe për të njëjtën dosje.
