Ish-drejtori i Teknologjisë së Informacionit në Policinë e Shtetit, Ervin Muça ka mohuar akuzat në lidhje me ndërhyrjen në sistemin TIMS.
Në një prononcim për gazetarët para Gjykatës së Tiranës, aty ku do t’i njoftohet edhe masa e sigurisë, Muça deklaroi se nuk ka kryer asnjë shkelje dhe akuzat ndaj tij janë spekulime.
“Kam bërë detyrën, s’kam kryer asnjë shkelje, skam kopjuar asnjë te dhënë, deklarohem i pafajshëm, lëreni drejtësinë të bëjë pune e saj, deklarohem i pafajshëm, nuk ka lidhje kodi i punonjësit kam vepruar sipas procedurës, nuk me ka kërkuar askush asgjë”,- u shpreh Muça.
