Pas publikimit të një videoje në rrjetet sociale, ku duket një automjet tip ‘Audi’ që kreu një parakalim të gabuar në aksin rrugor ‘Pogradec-Korçë’, shërbimet e Rrugores së Korçës kanë lokalizuar dhe bllokuar automjetin.
Gjithashtu kanë ndëshkuar me gjobë 10 mijë lekë të rinj drejtuesin e mjetit A.D.
“Shërbimet e Sektorit të Policisë Rrugore Korçë, pas publikimit të një videoje në rrjete sociale, për një automjet tip “Audi” që kreu parakalim të gabuar në aksin rrugor “Pogradec-Korçë”, në dalje të qytetit të Pogradecit, kanë lokalizuar dhe bllokuar automjetin, si dhe kanë ndëshkuar me masë administrative 10000 lekë të rinj, drejtuesin e mjetit, shtetasin A. D”, thuhet në njoftimin e policisë.
