Një atentat me armë zjarri ka ndodhur ndaj një 33-vjeçari shqiptar në Marbella të Spanjës.
Sipas mediave vendase ngjarja ka ndodhur në qendrën tregtare Guadalmina, ku persona ende të paidentifikuar kanë zbrazur armën drejt shqiptarit, i cili ka mbetur i plagosur rëndë.
Ky i fundit mësohet se është nisur drejt spitalit për ndihmë mjekësore, ndërsa paraprakisht dyshohet se ngjarja ka ndodhur për larje hesapesh për pazare droge.
Sakaq autoritetet kanë nisur hetimet për identifikimin dhe kapjen e autorit/ëve dhe zbardhjen e plotë të rastit.
