Avokati Genc Gjokutaj, i ftuar në ‘Task Force’ me Sonila Meçon në SYRI TV, ka analizuar investigimin e RAI-3 për lidhjet dhe punët e errëta të qeverisë shqiptare me mafian italiane dhe jo vetëm.
Gjatë bisedës, Gjokutaj deklaroi se, investigimi italian nis dhe mbaron me Edi Ramën, duke e nxjerrë përgjegjës për të gjitha që kanë ndodhur në Shqipëri gjatë pushtetit të tij.
‘Don Agaçio, ka qenë refren i opozitës në të gjitha fjalimet dhe ky titull simbolizon pikërisht këtë që u tha.
Flitet për një rrethanë të caktuar, dhe sa afera të tjera në atë pozicion si sekretar i Përgjithshëm të qeverisë.
Ky emision është një moviolë e të gjithë krimit shtetëror në Shqipëri, i lidhur me mafian italiane.
Ky emision po ta shikon fillon dhe mbaron me ‘gjithmonë ai’, Edi Ramën. Ky emision e nxjerr në anën e krimit dhe jo anën e shtetit.
Rama në goditje të prokurorëve që kanë hetuar dhe kanë tentuar të hapin petët e lakrorit dhe në bashkëpunim me mafiozët.
Ky emision çjerr të gjithë demagogjinë e Ramës për përgjegjësinë individuale.
E gjithë mbrojtja që bën Rama është se hanë fruta pas kurrizit tim dhe është përgjegjësi individuale. Nuk është përgjegjësi individuale.
Nuk është përgjegjësi individuale, por është përgjegjësi e Edi Ramës, kryeministri i Shqipërisë dhe Engjëll Agaçi, se këta të dy janë në kryeministri.
Agaçi është më i rëndësishëm se sa zv/kryeministri’, tha Genc Gjokutaj në SYRI TV.
