Policia e Tiranës ka vënë në pranga një 63-vjeçar, pasi gjatë drejtimit të mjetit në autostradën Tiranë-Elbasan, ka përplasur për vdekje një të moshuar.
“Specialistët e Komisariatit të Policisë Rrugore arrestuan shtetasi R. K., 63 vjeç, banues në Peqin, pasi ditën e djeshme, në orën 20:40, në autostradën Tiranë-Elbasan, duke drejtuar një furgon tip “Benz”, ka aksidentuar një shtetas ende të paidentifikuar të moshës rreth 75-80 vjeç, i cili si pasojë e dëmtimeve ka humbur jetën në spital”, njofton policia.
Po ashtu specialistët për Hetimin e Narkotikëve arrestuan shtetasin A. D., 29 vjeç, banues në Kosovë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kokainë, e cila u sekuestrua në cilësinë e provës materiale.”
