Neritan Sejamini dhe Eugen Beci kanë folur në emisionin “Të Paekspozuarit” në MCN TV, për “masakrën” me fondet publike në Bashkinë e Tiranës, ku çdo ditë zbulohen fakte të reja nga “bëmat” e drejtorëve të Erion Veliajt dhe zyrtarëve të tjerë, të përfshirë në aferë.
Neritan Sejamini: Gjithnjë e më shumë del në dritë që janë marrë me qindra vendime shtetërore për të favorizuar njëri tjetrin. Në tetë vite këta kanë vepruar për të grabitur, për të çuar paratë publike te xhepi i tyre privat, përmes qindra vendimeve. Mund të bësh një tender me një akt vjedh 20 milionë euro. Ndërsa këta kanë bërë më qindra procedura. Ka patur aktivitet të dendur për të favorizuar privatin, është veprimtari kriminale e qëndrueshme. Praktikisht ke një grup njerëzish, drejtorë, ish drejtorë, që kanë vepruar në mënyrë të organizuar. Ka kompani dhe persona, që kanë bashkëpunuar në shumë vende, që është aktivitet i pastër kriminal. Kanë vepruar në bashkëpunim dhe koordinim, është organizatë e pastër kriminale.
