Deputeti demokrat Luan Baçi duke folur në tubimin qytetar në mbështetje të liderit të opozitës, Sali Berisha, tha se çdo ditë do të jemi në këmbë, në rrugë e sheshe deri në largimin e klikës së korruptuar të Erjon Veliajt nga Bashkia dhe Edit Ramës nga Qeveria.
“Në 120 ditë nuk ka qenë i izoluar Sali Berisha, por të izoluar kanë qenë Edi Rama, Erjon Veliaj, hajdutët dhe të korruptuarit”, tha Baçi
Ai u shpreh se ne protestojmë për fermerët, studentët, pensionistët, profesionet e lira.
“Këtu nuk janë vetëm demokratët, janë shqiptarët e lirë. Ne nuk ndalojmë, nuk ndalohen qytetarët, nuk ndalohet e vërteta”, tha Baçi.
