Drejtuesi politik i PD-së për Tiranën, Belind Këlliçi, ka bërë deklaratën e fortë në protestën para Bashkisë së Tiranës.
Këlliçi është shprehur se kryebashkiaku Erion Veliaj përbën kërcënim për sigurinë kombëtare të SHBA-së për shkak të aferës me inceneratorin e Tiranës dhe lidhjet e tij që shkojnë deri në Iran me Mapna Group dhe Gunvor në Rusi.
Më shumë sesa një korrupsion, çështja e Iranit në “kthetrat” e Erion Veliajt ngre shumë dyshime.
Kompani shtetërore iraniane lidhen me kompani në Itali dhe vijnë për inceneratorin e Tiranës. Ata janë të lidhur me njerëzit dhe grupin e strukturuar kriminal të inceneratorëve.
Çështjet e sigurisë kombëtare dhe lidhjet me Iranin, në çfarëdolloj forme, direkte apo indirekt, flasin jo pak dhe janë më të rëndësishme se gjithçka tjetër që është diskutuar deri më sot.
