Gazetarja pranë institucioneve të drejtësisë Anduena Llabani foli në MCN mbi dosjet e nxehta që janë në SPAK, për të cilat pritet një konkludim i hetimeve. Llabani theksoi se në “tavën” e SPAK-ut ka edhe njerëz të tjerë me influencë të akuzuar për afera korruptive
Sipas saj, prokurorët belg i kanë kërkuar SPAK-ut që fondet e AZHBR-së, me të cilat shtë abuzuar të kthehen mbrapsht dhe përgjegjësit të shkojnë para drejtësisë.
“Në tavën e SPAK-ut janë edhe njerëz të tjerë me influencë të akuzuar për afera korruptive, duke shpërdoruar jo vetëm fondet e shtetit, por edhe të BE.
Për Frida Krifcën SPAK-u i ka arritur të gjitha afatet për të konkluduar nëse kemi të bëjmë me një korrupsion. Vazhdon hetimi. Di të them që në ditët e para kur BE dhe prokurorë belg sollën një kërkesë në SPAK kërkuan që gjithë fondet që i janë dhënë këtij institucioni të kthehen mbrapsht dhe autoriteti të shkojë para drejtësisë. Ish-ministrja është emëruar në një postë shumë të ulët pranë kryeministrit dhe askush nuk flet më çfarë po ndodh me këtë personazh. Përfituan oligarkët, njerëz pranë pushtetit, biznesmenë. Në dijeninë time ka shumë politikanë. U janë dhënë para biznesmenëve afër pushtetit, njerëzve që kanë media, për të ndërtuar edhe rezorte” – tha ajo.
