Në emisionin Të Paekspozuarit në MCN TV, është diskutuar për tarifat e larta të bankave shqiptare. Ola Xama tha disa shifra krahasuese mes tarifave të bankave shqiptare dhe atyre perëndimore. Një prej shembujve ishte në kufijtë e çmendurisë, ku për transferat jashtë vendit bankat shqiptare mbajnë mesatarisht 200 euro, ndërsa bankat angleze nga zero deri në 30 paund, në varësi të bankës.  Ola Xama:Norma e kthimit të kapitalit. Në Shqipëri 22.17% dhe në BE, 9.51%, pra sa para marrin bankat nga interesat dhe komisionet. Sa fiton një aksioner për një lek të investuar. Në Shqipëri fiton 22.17%, pra jemi sa dyfishi i mesatares së BE. 
Të gjitha tarifat për transferata në dalje janë 200 euro e lart. Të njëjtat tarifa për bankën angleze, HSBC, zero deri në 5 paund. Santander e ka zero paund.
Kemi katër platformat më të mëdha në botë. Mesatarja e Wise, 4.43 paund. Nat West e ka zero paund. Në Shqipëri, të gjitha bankat janë mbi 200 euro.

Ylli Rakipi: Kjo pastaj është që doktori të marrë mitingun e datës 8 dhe ta çojë te banka. Ne na vjedhin këta! Ola Xama: Komisioni për mbajtjen e llogarisë është 1.5 euro. Ka banka që tarifojnë për tërheqjen kesh dhe për veprime në sportel të tarifojnë. Ajo që është më e çuditshme, nëse derdh detyrim tatimor, paguan 150 lekë komision. Mendoni sa e madhe bëhet kjo shumë, kur bëhet për shumë njerëz.