Mbyllet numërimi në Shkodër, këto janë 3 kandidatët më të votuar
Është mbyllur rreth orës 5:00 të mëngjesit numërimi i votave të primareve në PD të Qarkut Shkodër.
Siç raporton gazetari i SYRI-t, ish-kryebashkiaku Bardh Spahia rezulton më i votuari në bashkine e Shkodrës.
Votat në bashkine e Shkodrës për 3 më të votuarit janë:
Bardh Spahia-380 vota;
Ndoc Ashta-228 vota;
Arben Lushaj-219 vota.
Më pas vijojnë emrat e Kol Livadhit, Greta Bardeli, Tedi Kopliku dhe Eliona Shkreli.
Ndërkohë, në Bashkinë Malësinë e Madhe më i votuari është deputeti Ramadan Likaj, ndërsa në Vau i Dejës Gentian Ndoj.
