Berisha: Urime Hirësisë së Tij, Kryepeshkopit Joan Pelushi
Kryetari i Partisë Demokratikë Sali Berisha ka uruar pas zgjedhjes si Kryepeshkop Joan Pelushin.
Në një mesazh në facebook Berisha shkruan, se “në emër të Partisë Demokratike, uroj përzemërsisht Kryepeshkopin Joan Pelushi për marrjen e misionit të tij të lartë kishtar dhe hyjnor si Kryepeshkop, udhëheqësi më i lartë i Kishës Ortodokse Autoqefale të Shqipërisë”.
Mesazhi
Urime Hirësisë së Tij, Kryepeshkopit Joan Pelushi.
Sot, në mbledhjen e tij, Sinodi zgjodhi Hirësinë e Tij, Imzot Joan Pelushin, Kryepeshkop të Kishës Ortodokse Autoqefale të Shqipërisë, pasardhës i Kryepeshkopit të ndritur Anastasios Janullatos.
Me këtë rast, në emër të Partisë Demokratike, uroj përzemërsisht Kryepeshkopin Joan Pelushi për marrjen e misionit të tij të lartë kishtar dhe hyjnor si Kryepeshkop, udhëheqësi më i lartë i Kishës Ortodokse Autoqefale të Shqipërisë. Gjithashtu, i uroj suksese në vazhdimin e veprës së ndritur të paraardhësve të tij për zhvillimin e mëtejshëm dhe konsolidimin e tolerancës, dialogut dhe bashkëpunimit ndërfetar në Shqipëri.
