Përçmimi i Ramës për Bashën
Nga Elona Meço/
Pakkush mund ta përçmojë Lulzim Bashën, me atë intensitet që e përçmon Edi Rama, kryesisht, për aneminë e tij politike dhe mungesën e karakterit. Por përkushtimi i tij ndaj Bashës gjatë këtyre ditëve s’ka lidhje me dashurinë. Me asnjë lloj dashurie.
Rama thjesht po e përdor Bashën në përpjekje për t’i hequr sa më shumë vota të mundet PD-së. “Luli i mirë, këneta e keqe” është strategji elektorale, që edhe Bashës i vjen për shtat për të kapur ndonjë votë qyl. Fundja, është terreni i tij i preferuar!
