Arkitekti i ri që u bë vrasës, kush është 23-vjeçari filipinez që i mori jetën Ilaria Sulës?
Mark Samson, 23-vjeçari i cili akuzohet nga autoritetet italiane për vrasjen e zhdukjen e trupit të shqiptares Ilaria Sula, përshkruhet si një djalë i qetë dhe jo i dhunshëm nga miqtë dhe të afërmit.
Mediat italiane raportojnë se djali me origjinë filipineze që rrëfeu vrasjen e ish-të dashurës së tij, jetonte me prindërit në lagjen afrikane të Romës.
Ai jetoi një jetë të qetë në rrugën Homs, ende në shtëpi me prindërit e tij, në numrin 8, në zemër të lagjes afrikane.
Në orën 11 të mëngjesit, oficerët e komisariatit të Romës kontrolluan banesën ku jetonte i riu dhe gjithashtu morën në komisariat babanë dhe nënën, një çift që jetonte prej vitesh në Itali. E ëma ishte shtëpiake, ndërsa i ati shërbëtor në shtëpitë e borgjezisë romake.
Arkitekti i ri që u bë vrasës, kush është
“Marku ishte një djalë shumë i mirë”, thotë një mik i familjes, gjithashtu filipinas, teksa kalon para apartamentit të rrethuar me shirita nga prokuroria.
“Ai sapo ishte diplomuar për arkitekturë, prindërit e tij janë njerëz shumë të mirë”, shton ai më tej.
Profili i tij social mbart një sërë fotosh që tregojnë jetën e lagjes. Mark në rrugën Homs, nën shtëpinë e tij, i mahnitur nga reshjet e borës që në 2018 kishin zbardhur Romën, e situata të tjera të ngjashme.
“Nëna e tij iu nënshtrua një operacioni në zemër disa kohë më parë”, thotë Maria Pia, 78 vjeç. “Nuk mund ta besoj që ka ndodhur diçka e tillë. Ndonjëherë prindërit janë në rrezik për fëmijët e tyre”, shton fqinja.
