Berisha: Këto 39 ditë t’i shndërrojmë në ditët e betejës së madhe! E shndërruat Ramën në një ‘meme’ që ecën
39 ditët e mbetura nga zgjedhjet parlamentare të 11 majit, kryedemokrati Sali Berisha ka kërkuar që demokratët t’i shndërrojnë në ditët e betejës së madhe.
Në fjalën e tij, teksa iu drejtuar të rinjve gjatë prezantimit të programit për ta, Berisha tha se në këto 39 ditë, rinia përmbush pa mëdyshje misionin më të madh të jetës, rrëzimin e një arrogant dhe shpresëvrasësi si Rama, atë që Berisha e cilësoi si ‘një meme e gjallë’, meme që ecën.
Në këtë kontekst, nuk ka ëndërr të madhe që mund të realizohet pa vendime. Janë këto vendime që realizuan ëndrrën e Shqipërisë në NATO, janë këto vendime që realizuan ëndrrën e Shqipërisë pluraliste. Janë këto vendime, të cilat, në disa mënyra patën një ndikim të pzevëndësueshëm në lirinë kombëtare, në faktin që sot shqiptarët jetojnë të lirë në Shqipëri dhe në Kosovë.
Në këtë kontekst, 39 ditë na ndajnë. Të gjithë ju, jeni para një vendimi epik do të thosha, para një vendimi në të cilin ju përmbushni pa mëdyshje misionin më të madh të jetës suaj, përcillni në kalendat e historisë një diktaturë të dytë. Tashmë, jo të bzuar në idelogjinë marksiste-leniniste, por të bazuar në drogën, krimin dhe varfërimin e shqiptarëve.
Çdo i ri dhe e re, këto 39 ditë, t’i shtrojnë në ditët e betejës më të madhe për ëndrrën e tij dhe të saj, sepse përballë jush qendron një shpresëvrasës, një arrogant. Qendron, po e quaj tani, një meme e gjallë, meqënëse e tmerruat ju dhe e mbylli Tik Tokun, le ta quajmë së bashku një meme e gjallë, që quhet Edi Rama, meme që ecën.
