Eurodeputetja italiane: Më 11 maj do të keni një mundësi të madhe që të votoni për PD me Berishën kryeministër

Eurodeputetja italiane: Më 11 maj do të keni një mundësi të madhe që të votoni për PD me Berishën kryeministër

Deputetja e Partisë Forza Italia, Erica Mazzeti, ishte sot e pranishme në takimin elektoral të PD-ASHM, në Fushë-Krujë tha se qytetarët shqiptarë vetëm me kryeministër Sali Berishën, do të kenë shëndetësi dhe arsim më të mirë.

Ajo i bëri thirrje të gjithë emigrantëve shqiptarë, në veçanti atyre në Itali që të votojnë për kryeministër Sali Berishën, nëse dëshirojnë një vend demokratik, pasi sipas saj, vetëm një qeveri e djathtë do të sillte një bashkëpunim më të mirë mes Italisë dhe Shqipërisë.

Fjala e Eurodeputetes italiane Erica Mazzeti

Jeni të mrekullueshëm dhe shumë të shumtë, faleminderit nga zemra miqve shqiptarë! Jemi një familje e madhe, italianë, shqiptarë, shqiptarë dhe italianë, dhe ne ju presim me gjithë qendrën e djathtë për të qeverisur këtë komb të madh. Shumë vite më parë keni ardhur në Itali dhe ju kemi pritur me krahë hapur, dhe ju të gjithë i keni dhënë shumë këtij vendi, dhe ne jua njohim meritat për këtë. Faleminderit që më dhatë këtë mundësi të jem këtu me ju. Është një mundësi e madhe për popullin shqiptar, është një rast për të marrë revanshin në këtë tokë të bukur. Jeni shumë, jeni plot energji, keni mendje, zemër dhe vullnet për të qeverisur këtë vend të madh.

Unë jam prej dy ditësh këtu për fushatë elektorale, falë mikut tim Doda që më përfshiu në këtë përvojë të bukur, dhe mbi të gjitha falë Berishës, një mik i madh i vendit italian. Ne duam të bashkëpunojmë me Berishën, me të gjithë ju, sepse duhet të bëjmë një front të përbashkët perëndimor. Ne jemi Perëndimi, jemi pjesë e Partisë Popullore Evropiane dhe të gjithë ju duhet të bëheni pjesë e saj, por këtë mund ta bëni vetëm me një kryeministër të madh, kryeministrin Berisha.

Është e drejtë që të gjithë ju të jetoni mirë, sepse e drejta themelore e një personi është të jetojë mirë, ju duhet të keni një shëndetësi më të mirë, infrastrukturë më të mirë, ekonomi më të mirë, dhe për të gjitha këto meritoni falënderime, si kryeministri Berisha, ashtu edhe të gjithë ju. Të dielën, më 11 maj, do të keni një mundësi të madhe, dhe kjo varet nga ju, me votën tuaj, duke bindur të afërm, miq, familjarë, që të shkojnë të votojnë dhe të votojnë për Partinë Demokratike me Berishën kryeministër.

Ne ia kemi dalë, dhe jam e sigurt që edhe ju do t’ia dilni. Ju falënderoj, ju që në popullin tuaj, në gjithë Italinë, jeni bashkuar me të tjerët, dhe ju falënderoj që jeni pjesë e nesh. Italiani më i madh, presidenti Silvio Berlusconi, që ju ka dashur, ju ka adhuruar, ju ka pritur, thoshte një gjë të rëndësishme: “Nëse dikush beson, lufton – dhe kush lufton, fiton gjithmonë!” Silvio Berlusconi, ish-kryeministri italian, fliste me ju. Nuk ka askënd që lufton, nëse nuk ka njerëz që luftojnë për të. Në vitin e largët 1991, ai ju njohu sapo arritët, edhe pse ishit të huaj, ju priti sepse ai ishte largpamës, e kuptonte që ishit një popull i madh, dhe kjo duket nga numri juaj sot, nga energjia dhe dëshira për të ndryshuar këtë komb.

Prandaj është shumë e rëndësishme që secili prej jush të mos qëndrojë në shtëpi, por këtë javë të bëjë një fushatë të madhe elektorale, kundër të gjithëve, sepse demokracia dhe liria janë gjërat më të bukura që një popull mund të ketë. Prandaj, vraponi të votoni, të bëni të tjerët të votojnë!

Unë si qytetare italiane, si deputete italiane, do të sigurohem që bashkatdhetarët tuaj që jetojnë në vendin tim, që janë me origjinë shqiptare dhe që mund të votojnë, të shkojnë e të votojnë për Berishën! Unë, përkrah Berishës, ju ftoj të votoni, bashkë me ju dhe të gjithë ata që janë në vendin tuaj, që kanë emigruar në vitin 1991, të votojnë për Berishën dhe për lirinë demokratike! Është thelbësore!

Ne jemi bindshëm perëndimorë, bindshëm demokratë, dhe bindshëm liberalë e popullorë. Prandaj, shkoni të gjithë të votoni, votoni siç duhet dhe do të takohemi këtu, në këtë shesh, për të festuar për Berishën, qendrën e djathtë të bashkuar dhe Shqipërinë në Partinë Popullore Evropiane, me një ngritje të madhe të të gjithëve ju!

Jeni një popull i madh, jeni shumë!

Rroftë Shqipëria, rroftë Berisha!