Patate në pistën vlonjate!
Flavio Qarri
Përpjekje e dëshpëruar e kryeministrit dikur propagandist i talentuar me aeroportin e Akërnisë. Krahas shkeljeve të lejes së ndërtimit edhe sot nuk mund të ishte veçse një dështim spektakolar. Edi Rama dhe mediet eksperte të aviacionit me perime rektale na thanë që u bë fluturimi certifikues. Në fakt nëse verifikon me pak kërkim zbulon se certifikimi bëhet me një procedurë të quajtur ORAT Operational Readiness, Activation, and Transition.
Është e panevojshme të themi që në Vlorë ndodhi një tjetër gjë pa lidhje me procedura serioze aeronautike.
Por konkretisht në Vlorë ka shkuar avioni privat i një mikut të Kryeministrit. Avioni në fjalë për këtë qokë po rrezikon shumë.
Disa pyetje të vogla janë detyrime të rastit:
Ku është kulla e kontrollit dhe cili është kontrollori? Nëse ka.
Ku është regjistruar fluturimi certifikues dhe cili është kodi i fluturimit? Nëse ka.
Nga cili aeroport u nis avioni dhe si e deklaroi destinacionin te pika e nisjes? Nëse e ka bërë.
A ka deklaruar piloti që ka bërë ulje emergjence në një aeroport ushtarak të braktisur për të shmangur penalitete? Se rregullat do e detyronin të shkonte në Korfuz, Bari, ose Tiranë.
A ka ngelur galiç avioni në këto momente në asfaltin e pakolauduar të Akërnisë?
Çfarë difekti ka avioni që nuk niset në destinacionin e vërtetë?
A po vonohet pjesa për avionin e nisur me urgjencë nga Tirana?
A është e vërtetë që në fakt do dhe një vit që të fillojë diskutimi për hapjen e vërtetë aeroporti?
Kur fluturon, fluturon me gjithë samar apo me pras zyrtar?
Mbase nuk plotëson asnjë kusht sigurie por aty në Poro është një manastir shumë i bukur ndaj le të parkohen për një lutje dhe e ruajt ZOTI aviacionin
