Berisha- Dumanit: Lexo pyetjen e plote e pastaj pergjigju
Kreu i demokratëve, Sali Berisha i ka tërhequr vëmëndjen shefit të SPAK, Altin Dumanit gjatë kohës që ky po raportonte në parlament.
Dumani nuk e lexoi të plotë pyetjen që i bëri Jorida Tabaku, por u mjaftua me një përgjithësim, por kjo nuk i ka pëlqyer Sali Berishës që është ngritur nga vendi dhe ka ngritur zërin me kritika.
Zotëria të lexojë pyetjet një për një. Dhe jo në këtë mënyrë sepse këta të tjerët këtej nuk kanë asnjë interes.
Pyetja është kjo dhe kjo është përgjigja, në këtë mënyrë. Jo bëjmë një grumbull pyetjesh dhe hajt’, reagoi kryedemokrati Berisha dhe pas kësaj Altin Dumani ka ndryshuar mënyrën se si i është referuar pyetjeve të deputetëve të opozitës, duke i lexuar fjalë për fjalë.
Kjo është hera e parë që Berisha dhe Dumani përballen në publik. Kreu i opozitës deri më sot i është referuar me emrin ‘Altin Troplini’ pasi e akuzon se ndihmoi në arratisjen e Elvis Doçit, një trafikant droge pjesë e klanit Troplini.
