Dorian Teliti, këshilltar për çështjet ekonomike në PD, tha se taksa që do të mblidhet nga profesionet e lira është e barazvlefshme me shumën që kanë vjedhur drejtorët hajdutë të Bashkisë Tiranë.
Teliti tha se “30 mln euro i vodhën ato hajdutët e Erion Veliajt fap e fap, ndërsa po kaq është edhe taksa që do të arrihet të mblidhet nga profesionet e lira”.
“30 mln euro janë 0.5 % e buxhetit, pra nuk është një politikë që po ndërmerret për të mbushur arkën. Kjo taksë do e shtojë informalitetin”, shtoi ai më tej.
Ai tha se nga ky taksim do të fitojë vetëm politika qeverisëse, e cila nuk do fjalën e lirë, nuk do profesionistët, nuk do ata që mund të kenë mirëqënie të pavarur nga Qeveria.
Teliti paralajmëroi se “kjo taksë është një shtysë që do të ndikojë në migracionin e trurit”.
