Një ndër mediat analitike më prestigjoze në Shtetet e Bashkuara ka publikuar një artikull i cili ekspozon korrupsionin diplomatik të ish-ambasadores amerikane në Tiranë Yuri Kim. Autori i shkrimit Majkell Rubin, ndalet te aktiviteti i Yuri Kim si ambasadore në Tiranë dhe raporti i saj personal me Edi Ramën, i cili përshkruhet si lider autokrat dhe i korruptuar. Shkrimi ekspozon edhe afera të tjera të Yuri Kim gjatë aktivitetit të saj diplomatik në vende të tjera. Autori i shkrimit kërkon nga Presidenti Trump dhe sekretari Rubio që të tregojnë vëmendje të veçantë në emërimin e ambasadorëve të rinj amerikanë, dhe e cilëson Yuri Kim si “një gabim që duhet evituar”.
SYRI TV
1945 quhet një ndër ndër mediat analitike më të rëndësishme në Shtetet e Bashkuara, e cila i ka kushtuar një artikull të posacëm vëmendjes që duhet të tregojë Presidenti Trump dhe Sekretari i Shtetit Rubio në emërimin e ambasadorëve të rinj në vendet aziatike. Një subjekt thelbësor i këtij artikulli është aktiviteti i dyshimtë diplomatik i zonjës Juri Kim, për të cilën, autori i shkrimit Majkell Rubin, thotë se qarkullojnë thashetheme se mund të emërohet ambasadore në Filipine. Autori i cilëson mandatet e mëparshme të Juri Kim si të dështuara dhe hedh dyshime të forta edhe në përfshirjen e saj në afera të ndryshme. Rubin ndalet te aktiviteti i Juri Kim si ambasasdore e Shteteve të Bashkuara në Tiranë dhe raporti i saj personal me Edi Ramën, i cili në artikull përshkruhet si lider autokrat dhe i korruptuar.Problemi, megjithatë, nuk ishte vetëm mandati i saj si ushtruese e detyrës së ndihmës sekretares. Kim po ashtu dështoi në përvojën e saj si ambasadore në Shqipëri. Normalisht, një detyrë diplomatike në Tiranë duhet të shkojë e qetë. Shqiptarët janë pro-amerikanë dhe e konsiderojnë udhëzimin e ambasadorit amerikan më shumë se shumë vende të tjera evropiane. Megjithatë, jo gjithçka është mirë në demokracinë shqiptare. Kryeministri Edi Rama po ndjek rrugën populiste të gdhendur nga Recep Tayyip Erdoğan në Turqi për të zbrazur demokracinë shqiptare.Ashtu si Erdogan, Rama synon pakicat etnike dhe kërkon të përdorë pushtetin politik për përfitime personale. Ishte në këtë kontekst dhe për shkak të dëshirës së tij për të zhvilluar rivierën shqiptare – një rajon ku jeton minoriteti etnik grek në Shqipëri – që ai burgosi Fredi Belerin, kryebashkiakun e zgjedhur të një prej qyteteve më piktoreske të rivierës. Kim e minimizoi incidentin; ajo nuk ka dashur të prishë marrëdhënien e saj personale me Ramën.
Megjithatë, vendimi i Kim për të injoruar dhe lejuar që skema korruptive e Ramës të agravohet, u shndërrua në një krizë diplomatike midis Shqipërisë dhe Greqisë që prishi integrimin dhe bashkëpunimin ballkanik ndërsa shpërtheu kriza e Ukrainës. Fakti që Kim po lobonte hapur në Departamentin e Shtetit për postin e ambasadorit në Turqi, në të njëjtën kohë që po anonte kundër Greqisë në një mosmarrëveshje, ishte e pahijshme në rastin më të mirë‘, thuhet në artikull.
Artikulli sjell në vëmendje edhe sjellje kompromentuese të Ambasadores Juri Kim gjatë bisedimeve gjashtëpalëshe mbi programin e armëve bërthamore të koresë së veriut për të cilat ekzistojnë edhe regjistrime.
‘Ekziston gjithashtu një komponent sigurie për nominimin e mundshëm të Kim. Burimet e Koresë së Jugut më thanë në vitin 2023 se ata regjistruan përgjime gjatë kohës kur Kim ishte ndihmëse e Ndihmës-Sekretarit Chris Hill dhe anëtare e delegacionit amerikan në Bisedimet gjashtëpalëshe të fokusuara në programin e armëve bërthamore të Koresë së Veriut. Nëse zyrtarët koreanë të sigurisë ishin të gatshëm të bëjnë thashetheme për gjëra të tilla në një kohë kur Kim ishte në Shqipëri dhe nuk ishte planifikuar për një pozicion tjetër në Azi, nuk ka gjasa që ata thjesht të kenë ngritur akuza. Cenueshmëria ndaj shantazhit duhet të jetë një shqetësim i madh për këdo në vijën e frontit me Kinën’, theksohet në artikull.
Artikulli ndalet edhe tek dështimi i Juri Kim në trajtimin e krizës në Nagorno Karabak, ku theksohet se ajo qëndroi pasive gjatë bllokadës së paligjshme dhjetë-mujore të Azerbajxhanit në rajonin me popullsi armene
Autori shkruan se nëse Presidenti Trump dhe Sekretari i Shtetit Rubio janë seriozë për t’iu kundërvënë Kinës, ata duhet të vendosin ambasadorët e tyre më të mirë, qofshin ata të emëruar politikë apo persona karriere nga Shërbimi i Huaj, si në Pekin dhe Taipei, ashtu edhe në shtetet e vijës së parë me Kinën.
