Nuk merrem me intimitete/ Berisha sqaron pse e hoqi nga rrjetet sociale foton e Vangjush Dakos

Berisha sqaron arsyen pse hoqi nga rrjetet sociale foton e Vangjush Dakos në qeli, duke theksuar se nuk merret me çështje intimesh dhe respekton standardet e qytetarit dixhital.

Lideri i opozitës shpjegoi se praktika e tij është të heqë menjëherë çdo foto apo dokument që mund të jetë i rremë, duke u bazuar vetëm mbi informacion të verifikuar.

Berisha konfirmoi se Dako u burgos dhe u shtrua në spital, duke theksuar se këto janë fakte të vërteta. Fotoja që u publikua më parë, përmbante një video intimiteti dhe për këtë arsye u hoq menjëherë.

Ai theksoi se nuk merret me çështje personale të individëve dhe se qytetari dixhital funksionon duke iu referuar vetëm burimeve të sigurta, siç veprojnë shumë media ndërkombëtare.

Deklarata e plotë për media:

Ajo foto… e ke shumë të drejtë… unë kam një praktikë, në rast se ka të dhëna se fotoja apo dokumenti është fake, unë absolutisht e heq menjëherë.
E kam theksuar dhe e theksoj, qytetari dixhital funksionon me një burim siç funksionojnë shumë media në botë.
Çfarë kishte aty?
Vangjush Dako a u burgos për të shkuar tek Veliaj? Kjo është e vërtetë.
A është e vërtetë që u shtrua në spital? Kjo është e vërtetë.
Pastaj e kishin tepruar se ajo fotoja, kur pashë më vonë që ishte një video intimiteti me Shqopën, e hoqa menjëherë.
Brenda burgut apo spitalit të burgut, nuk e di se ku ishte ajo.
Me çështje intimitetesh nuk merrem unë.