Aksident në Lezhë/ Humb jetën çifti i bashkëshortëve, burri polic. Plagoset nëna me fëmijën
Një aksident i rëndë ka ndodhur në aksin Lezhë-Shkodër, pranë fshatit Gocaj.
Dy automjete janë përplasur me njëra tjetrën. Një çift bashkëshortësh kanë humbur jeten, Petrit dhe Elona Florini, burri ishte polic.
Një nënë bashkë me fëmijën e saj janë plagosur dhe ndodhen në spital.
Forcat zjarrfikëse kanë ndërhyrë për nxjerrjen e trupave nga automjeti.
Ndërkohë policia dhe grupi hetimor ndodhen në vendin e ngjarjes dhe po punojnë për zbardhjen e shkaqeve të aksidentit.
