Nuland në Tiranë për reformën në drejtësi. Takon Bashën e Ramën për të votuar me konsensus reformën në drejtësi

Ndihmësekretarja amerikane e Shtetit, Victoria Nuland viziton sot Tiranën, në një përpjekje për të bindur palët për ta votuar me konsensus reformën në drejtësi. Zonja Nuland do të takohet për këtë çështje me kryetarin e opozitës, Lulzim Basha dhe kryeministrin Edi Rama. Takimi me Bashën është parashikuar në orën 15.30, ndërsa me Ramën në orën 18.00. Gjatë qëndrimit në Tiranë, zyrtarja e lartë e Departamentit Amerikan të Shtetit do të pritet në një takim edhe nga Ministri i Jashtëm, Bushati, në orën 14.30.