Të paktën 13 persona kanë vdekur në një zjarr që kaploi një lokal karaoke në Vietnam, raportojnë mediat lokale.
Zjarri shpërtheu dje në lokalin tetëkatesh në rrethinën Cau Giay.
Zjarrfikësve u janë dashur plot katër orë për ta shuar zjarrin. Ndërkohë, dy oficerë të policisë janë lënduar gjatë operacionit. Një roje u ka thënë gazetarëve se zjarri ka nisur nga një tabelë, dhe se stafi kishte tentuar ta ndalte, por pa sukses.
Më pas, zjarri i ka kapluar edhe tri ndërtesa aty pari, si dhe makinat dhe motoçikletat në rrugë, raporton “VnE Express”.
