Pas një perfromance epike në skenën e Eurovision In Concert 2017 që mbahet çdo vit në Amsterdam ku Lindita i tregoi Evropës notat e saj shpërthyese dhe shkëlqeu mes 35 pjesëmarrëseve. Por përveç zërit të saj të fuqishëm Linditës do t’i bashkohen në skenë edhe 4 back-vokalista, po ashtu me zëra shpërthyes, shkruan eurovision.al.
Një ndër këta zëra do të jetë ai i Gjergj Kaçinarit, një zë mjaft i njohur për publikun shqiptar pasi ai ishte pjesëmarrës në shuam festivale të mirënjohura. Gjergji njihet gjithashtu si pianist dhe ka marrë pjesë edhe në Festivalin e Këngës në të njëjtin profesion.
Denisa Xhemnica, gjithashtu zë i njohur në botën e muzikës shqiptare. Denisa ka marrë pjesë në Kënga Magjike dhe Top Fest në të cilin Lindita fitoi në vitin 2006 me këngën “Ëndërroja”. Denisa është gjithashtu pjesë e bandës për programin e fundjavës “E Diell”.
Anxhelo Miho, një talent i ri që fillimet e veta i kishte në spektaklin X-Factor Albania 1 ku Anxhelo arriti të shkonte deri në javën e 10 -të këtij programi.
Margret Rodovani, e njohur ndryshe si Greta, është më se shumti e njohur si violiniste. Por ajo ka treguar që di gjithashtu të këndojë pasi në Festivalin e Këngës 54 ajo shërbeu si back-vokaliste për Eneda Tarifen e cila fiton me këngën “Përrallë” dhe më pas edhe si back-vokaliste në Festivalin e Këngës 55.
Këta janë katër këngëtarët që do ta shoqërojnë Linda Halimin në skenën e Eurovisionit.
