Kryetari i PD-së, Lulzim Basha ka zhvilluar një takim me senatorin John McCain i cili është duke bërë një tur vizitash në Ballkan.
Senatori McCain ka zhvilluar disa takime në Tiranë, ndërsa pritet që të takojë edhe presidentin Bujar Nishani dhe kryeministrin Edi Rama.
“Kënaqësi dhe nder i veçantë takimi i sotëm me Senatorin John McCain, një mik i madh i Shqipërisë, Kosovës dhe shqiptarëve.
Heroi amerikan, që ka sakrifikuar për kauzën e lirisë, ka qenë përherë një zë i fuqishëm në krah të përpjekjeve të shqiptarëve për liri, demokraci dhe integrim në botën euro-atlantike”, shkruan Basha në Facebook, ndërsa ka bërë publike edhe një foto gjatë takimit.
