Deputeti socialist Saimir Tahiri po i nënshtrohet një skaneri tjetër në seancën e sotme të Këshillit të mandateve dhe rregullores ku po shqyrtohet kërkesa e prokurorisë për heqjen e mandatit dhe procedimin më tej me ndalimin e tij.
Emri i tij ka qenë më i përfoluri prej disa ditësh jo vetëm në media por edhe në publik si i lidhur me bandën e trafikantëve Habilaj dhe trafikun e drogës. Gjithë kjo vëmendje, pa përmendur akuzat duket se i kanë dhënë nervozizëm ish-ministrit të Brendshëm.
Disa minuta në seancë preferoi të qetësohej jashtë, më pas i tensionuar lëvizte këmbët nën karrige, në pritje t’i jepej fjala. Tahiri shfaqet i tensionuar.
