Kjo është mosha e duhur që fëmija të flejë i ndarë nga prindërit

Një studim i ri ka rihapur debatin se kur bebet duhet të fillojnë të flenë në dhomën e tyre. Studimi i ri sygjeron se mosha 6 muajsh është koha e duhur që bebi të fillojë të flejë në dhomën e tij. Gjë që bie në kundërshtim me sygjerimet e bëra nga “American Academy of Pediatrics” e cila mendon se bebet duhet të flenë në dhomën e tyre pas moshës 1 vjeçare. Sipas studimit të ri kjo kohë është shumë e gjata dhe sa më gjatë që bebi flejë në të njëjtën dhomë me prindërit aq më keq do të jenë rezultatet lidhur me gjumin e tij. Për këtë studim, shkencëtarë nga “Pennsilvania State University” vëzhguan 230 nëna për herë të parë dhe panë se sa gjumë ishin duke bërë bebet e tyre gjatë 2.5 viteve.
Siç shkruan website pernenat.al më moshën 4 mujore gjumi më i gjatë që arrinte të bënte një bebe që flinte në një dhomë me prindërit ishte 7 orë ndërsa tek bebet që flinin në dhomën e tyre arrinte deri në 8 ore pa ndërprerje. Në moshën 9 mujore bebet që flinin në dhomën e tyre arrinin të flinin 40 minuta më shumë se bebet që flinin së bashku me prindërit.
Por fakti më surprizues ishte se ky trend vazhdonte edhe pas moshës 2 vjeçare ku sipas raportimit të CNN bebet që flenë në dhomat e tyre jo vetëm që flenë për periudha më të gjata kohore por dhe bëjnë një gjumë më të qetë gjatë natës si dhe kanë më pak mundësi të kërkojnë të lëvizin në shtratin e prindërve gjatë natës shkruan pernenat.al