I ftuar në emisionin “Kolaudim” në In Tv, moderatori i emisionit “Opinion” Blendi Fevziu, ka folur mbi veprimet e kryeministrit Rama, në lidhje me ofendimet që ai ka bërë kundrejt gazetarëve dhe se fundmi reagimet ndaj Top Chanel.
Fevziu tha se Kryeministri nuk i ka ofenduar gazetarët dhe Top Channel, pasi ashtu mendon realisht për ta, por thjesht dëshiron të tërheqë vëmendjen nga ngjarjet e tjera qe po ndodhin, sic është rasti Tahiri.
“Unë mendoj se arsyeja e vertete ka te bej me ngjarjet e fundit, te cilat, sipas mendimit tim, po e dëmtojnë qeverisjen e Ramës. Kjo është një strategji e mirëmenduar nga Kryeministri”, pohoi Fevziu.
Gjithashtu, Fevziu u shpreh se Rama është produkti më mediatik që Shqipëria ka pasur ndonjëherë.
