Partia Demokratike akuzoi kryeministrin Rama se ka vënë të gjithë personelin e qendrave mjekësore në shërbim të koncesionarit të Check Up.
Deputeti Bardh Spahia denoncoi faktin se në kontratat e punës mjekëve u është ngarkuar puna të cilën e ka për detyrë ta realizojë vetë kocesionari që ka marrë paratë për realizimin e kontrollit bazë të popullatës.
Ja deklarata e deputetit:
Në shërbim të koncesionit korruptiv të Check Up. Për miken dhe klienten e tij Milva Nushi do të punojnë i gjithë personeli i qendrave shëndetësore i detyruar me një kontratë të paligjshme, bëhet fjalë për detyrim-kërcënimin që i është shtuar në kontratat e punës mjekëve për të informuar dhe sjellë me imponim popullësinë në qendrat ambulatore për të kryer Check-up-in.
Kjo kotratë detyron konvcesionarin të kryejë të gjitha veprimet që sot me anë të një kontrate tjetër të paligjshme detyrohen të kryejnë të gjithë këtë punë mjekët. Ky ndryshim i kontratës së mjekëve është një shkelje flagrante që vendos shëndetësinë në dispozicion të interesave të rrezikshme që i përkasin klaneve pranë Kryeministrit.
