Sipas “New Your Post” këngëtarja Lady Gaga është ngacmuar seksualisht nga R. Kelly dhe fotografi i vipave Terry Richardson gjatë xhirimeve të videoklipit “Do What u Want”, i cili është censuruar. Gjithashtu mësohet se Gaga nuk ka dashur që këto imazhe të publikohen në media, por “TMZ” nuk i ka rezistuar tundimit. “Do What u Want” është klipi i cili pritej të hidhej në treg nga këngëtarja gjatë muajit shtator të vitit të kaluar, por për shkak të skenave të shumta erotike nuk ka mundur të publikohet. Megjithatë “TMZ” ka publikuar një promo të kësaj video, e cila ka shkaktuar mjaft reagime për shkak të përmbajtjes së saj. Regjisori i klipit të censuruar të Gagës Richardson ka realizuar edhe videoklipin e këngës “Wrecking Ball” të këngëtares Miley Cyrus.
Ku janë vetullat e Katy Perry-t?
Popstari Katy Perry është padyshim një ndër femrat më të bukura, ndërsa kohët e fundit ka qenë pjesë edhe e kopertinave. Ndonëse shquhet për stilin e saj ekstravagant, ajo i ka shtangur fansat e saj, teksa vetullat nuk dukeshin më. Gjithsesi, ajo ka marrë goxha mbështetje. Në “Instagram”, këngëtares i kanë shkruar se i pëlqejnë vërtet stili i ri i flokëve dhe se në këtë foto, ajo vërtet bën ndryshimin.
Courtney Love dhe Mariah Carey, me plane të reja
Me plane të reja janë dy këngëtaret Courtney Love dhe Mariah Carey, që së shpejti mund t’i shohim edhe në një bashkëpunim. Ndonëse në gjini të ndryshme, të dyja janë diva të muzikës. Këngëtarja e rokut, Corteny Love, nëpërmjet një fotoje të postuar në “Instagram”, ka treguar dashurinë e madhe që ka për kolegen e saj. Kaq ka mjaftuar, që të aludohet se dy këngëtaret janë shumë pranë duetit.
Nostalgjike për takimin e parë me Beckham, Victoria tregon fustanin
Victoria Beckham tashmë është një ndër stilistet më të kërkuara në botën e modës dhe pa dyshim një ikonë e tillë është në fokus të mediave. Me një postim në “Instagram”, ajo ka rikujtuar takimin e parë me David Beckham dhe se çfarë kishte veshur. Fustani ngjyrë portokalli tashmë bën xhiron e botës, pas imazhit që ajo ka postuar në rrjetet sociale. Ajo ka shkruar: “Shikoni çfarë gjeta! Fustanin që kam veshur në takimin e parë me David. Shumë i këndshëm”. Çifti tashmë ka katër fëmijë, tre djem dhe një vajzë.
Forma perfekte me silikon, Lopez kapet mat
Pasi ka kërcyer pa masë, në një çast të vetëm Jennifer Lopez e ka tradhtuar silikoni, ndërsa ajo mbante një fustan të ngushtë pas trupit. 44 vjeçarja e ka kapur shpejt situatën dhe është munduar me delikatesë që të mos vihej re se diçka nuk po shkonte mirë. Teksa ka kërcyer pa pushim në një klub nate në Nju Jork, silikoni ka dalë në sipërfaqe të fustanit të saj rozë, i cili tregonte hiret e saj.
