Një aksident i rëndë automobilistik ka ndodhur në afërsi të fshatit Griqan Sipër, në njësinë administrative të Labinot Fushës, ku një automjet i tipit “Ml 320”, është rrokollisur nga shkëmbi dhe ka përfunduar i shkërmoqur nën urë.
Bazuar në të dhënat paraprake të komunikuara nga Policia e qytetit të Elbasanit, si pasojë e aksidentit nuk ka pasur viktima, por thjesht të lënduar lehtazi që ndodhen jashtë rrezikut për jetën.
Forcat policore pasi mbërritën në vendngjarje për të kryer zbardhjen e rrethanave, zbuluan se shkak për aksidentin ka qenë pakujdesia e drejtuesit të automjetit.
