Dy shqiptarë të përfshirë në një grup të trafikimit ndërkombëtar të lëndëve narkotike, janë arrestuar sot në Kroaci, në mes të 25 personave të ndaluar.
Sipas mediave ata do të transportonin mbi 130 kg lëndë narkotike në drejtim të Italisë.
Shqiptarët e arrestuar janë Reni Leka dhe Ergest Gjeka.
Fillimisht ata i shpëtuan operacionit të karabinierëve të zhvilluar më 26 shkurt.
Sipas medias italiane, Leka dhe Gjeka kanë lidhje me klanet mafioze napolitane që furnizonin sheshet dhe tregjet në ishullit Elba.
Shqiptarët e arrestuar të moshës 31 dhe 28 vjeç do të akuzohen për trafik të drogës kryesisht marijuanë dhe kokainë.
