Trajneri i Manchester Unitedit, Louis van Gaal, beson se skuadra e tij do të konsiderohet pretendente për titull të Premier Ligës nëse e mposhtë Manchester Cityn fundjavën e ardhshme. United u rikthye pas humbjes nga Arsenali për të mposhtur Evertonin me rezultat 3 me 0 të shtunën. Tani “Djajtë e Kuq” do të takohen me CSKA Moskën në Ligën e Kampionëve në mesjavë, para derbit të qytetit në fundjavën e ardhshme. Van Gaal beson se një rezultat pozitiv në “Old Trafford” kundër Manuel Pellegrinit do të bënte skuadrën e tij pretendente për titull kampioni. “Jam shumë i lumtur dhe krenar me paraqitjen kundër Evertonit. Mendoj se kjo mund të jetë vetëm starti i shumë fitoreve. Duhet të vazhdojmë edhe javën e ardhshme dhe nëse mposhtim Cityn mund të themi ‘Në rregull, tani mendojmë për titull’”, – ka thënë holandezi. United momentalisht është në pozitën e tretë me vetëm dy pikë prapa liderit, City.
