ALUIZNI Elbasan / Dalin emrat e 1900 personave që u miratohet legalizimi i pronës

ALUIZNI ka bërë publikë emrat e 1900 personave, të cilëve u është miratuar leja e legalizimit dhe që duhet të kryejnë veprimet përkatëse për marrjen e pronësisë mbi truallin, pra të tërheqin sa parë faturën financiare. Në listën emërore të zotëruesve të ndërtimeve informale janë paraqitur të dhënat e personave që duhet të tërheqin faturën financiare për fitimin e së drejtës së pronësisë mbi truallin, ashtu si dhe njësia bashkiake ku gjendet objekti. Qytetarët e poshtëshënuar duhet të paraqiten pranë zyrave rajonale të ALUIZNI-t në Elbasan, për të tërhequr faturat e parcelës ndërtimore dhe për të lidhur kontratat e fitimit të pronësisë së truallit.

Pagesa

ALUIZNI ka theksuar në vazhdimësi se të gjithë qytetarët do të përfitojnë një zbritje në masën 20% të vlerës së parcelës ndërtimore, në rast pagese të menjëhershme brenda 45 ditëve nga data e njoftimit. Mbas 45 ditësh, nga data e njoftimit, vlera e parcelës ndërtimore do të paguhet e plotë. Gjithashtu, do të përfitojnë edhe një zbritje – 10% të vlerës së parcelës ndërtimore si garanci për pagesën në mënyrë të rregullt të energjisë elektrike. Ajo që duhet theksuar gjithashtu është se nëse poseduesit nuk e shlyejnë plotësisht detyrimin financiar 6 muajve, nga data e njoftimit, pasuria e paluajtshme regjistrohet pranë ZVRPP-së, me barrë hipotekore, deri në shlyerjen e këtij detyrimi. Gjatë muajve të fundit, Këshilli i Ministrave ka miratuar disa ndryshime në ligjin për amnistimin e objekteve pa leje, të cilat bëjnë të mundur legalizimin e rreth 50 mijë objekteve të ndërtuara pas vitit 2009, të cilëve nuk u njihej kjo e drejtë.