Avokatët Penalistë njoftojnë se do të bojkotojnë gjyqet, derisa Ministria e Drejtësisë të plotësojë kërkesat e tyre. Ndër të tjera ata kërkojnë rritjen e pagesave për gjyqet e mbuluara nga avokatët e caktuar nga ministria.
“Shoqata e Avokatëve Penalistë të Shqipërisë së shpejti në bashkëpunim me Dhomës së Avokatëve të Shqipërisë do të mbështesim bojkotin e Avokatëve kryesisht deri në plotësimin e kërkesave të tyre të ligjshme”, njoftoi Saimir Vishaj, kreu u shoqatës së Avokatëve Penalistë.
Ndër kërkesat e avokatëve, kryesorja mbetet rritja e pagesës për seancat gjyqësore apo çdo procedim penal nga avokatët kryesisht.
Por avokatë kanë ankesë edhe përzgjedhjen e mbrojtësve nga lista.
“Do t’i kërkoj KLP-së , KLGJ-së, Drejtuesve të gjykatave dhe prokurorëve,zbatimin e listave sipas radhës, duke larguar diskriminimin ku disa gjyqtarë, prokurorë apo oficerë të Policisë Gjyqësore, caktojnë vetëm disa avokatë kryesisht me preferencë nga ana e tyre”, tha Vishaj.
Gjithashtu, në funksion të kërkesës së mësipërme, avokatët duan edhe “Caktimin e një avokati me pagesë, sidomos për Tiranën që të jetë rregullator për grafikun dhe listimim e Avokatëve kryesisht”.
