Roli i fundit kinematografik i Angelina Jolie është ai me të cilin mund të lidhet personalisht në shumë mënyra me jetën e saj personale.
Aktorja 45 vjeçare interpreton karakterin e Hannah Faber në filmin “Those Who Wish Me Dead”, e cila e gjen veten duke u ndeshur me PTSD pasi përjetoi një tragjedi në punë por në fund gjeti forcë për të kapërcyer pengesat e jetës
Në një intervistë për Entertainment Tonight, Jolie ka folur rreth periudhës në jetën e saj ku ndihej e thyer, ashtu sikurse karakteri në film.
“Të gjithë kemi patur periudha në jetën tonë kur ndihemi të lodhur dhe unë përjetoja një periudhë të tillë.
Kam patur pjesën time të gjërave që më bënë të ndihem…e dini, është e vështirë të flas shumë për këtë, por thjesht ndihesh e thyer”, tha aktorja.
Kam kaluar shumë periudha të errëta në jetën time. Kur nëna ime ndërroi jetë nga kanceri në 2007. Ndihesh sikur dëshiron të fshihesh ose nuk je i sigurt se çfarë ka mbetur tek ty.
Merrni një mundësi, unë do të inkurajoja cilindo që ta bënte këtë gjë.
Ndoshta nuk jeni një aktor, por kjo nuk ka rëndësi. Shkoni diku, shikoni çfarë mund të bëni vetë.
Vendoseni veten kundër elementëve ose provoni diçka që kurrë nuk e keni provuar dhe bëni përpjekje për të rizbuluar atë forcë që keni përbrenda.“,
