Përfaqësuesja e Zvicrës është kualifikuar si e treta më e mirë në raundin tjetër të Euro 2020. Shorti nuk ishte bujar me helvetët që do të luajnë përballë Kampionëve të Botës, Francën. Granit Xhaka i cili është në rolin e kapitenit i jep besim shokëve të skuadrës.
“Nuk ndalemi së punuari. Duke u përgatitur për sfidën Francë-Zvicër”, shkroi ai në rrjetet sociale.Në anën tjetër, për Zvicrën kundër Francës pjesë e formacionit do të jetë edhe Xherdan Shaqiri që vjen nga një formë fantastike, pas dy golave kundër Turqisë në sfidën e fundit në fazën e grupeve.
