Ish-Kryeministri Sali Berisha ka shpërndarë një mesazh falënderues për të gjithë komisionerët e qendrave të votimit për ditën e nesërme, duke i quajtur ‘komisionarë të Referendumit të shpresës’.
‘Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim’, shkruan Berisha në Facebook.
‘Në këtë referendum jetike është vota e lirë e anëtarësisë të PD’, ka theksuar ish-kryeminsitri Berisha.
Postimi i plotë i Sali Berishës:
Drejtuar komisionerëve te Referendumit te Shpreses
Një përshendetje të përzemert të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim. Per ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese! sb.
