Ish-deputeti i partisë Demokratike, Aldo Bumçi ka akuzuar Lulzim Bashës se ka pasur si kartë të fortë “masakrën zgjedhore”, por në fund nuk bëri asgjë. Për këtë, Bumçi ka renditur në emisionin ‘Studio Live’ të gazetarit Arbër Hitaj, edhe arsyet se përse Basha ka hequr dorë nga karta e tij më e fortë përballë qeverisë, e këtu nuk përjashtoi as mundësinë e një bashkëpunimi me Ramën.
“Basha nuk e ngriti këtë çështje, argumenti i tij ishte që nuk dua të frikësoj votuesin, nuk e ngriti si problem as pas, i përdori zgjedhjet për të qëndruar në zgjedhje dhe më pas nuk bëri asnjë protestë të vetme dhe nuk vuri asnjë kusht politik Ramës, Basha foli për masakër zgjedhore, por nuk bëri asgjë.”
Ka njohur Edi Ramën dhe parlamentin si një qeverisje normale , pse ai e lejoi Ramën të fitonte mandatin e tretë sikur kishte marrë mbështetjen e qytetarëve që nuk e mori, lë hije dyshimi, mund të interpretohet shumë mënyra, në të gjithë fushatën e tij brenda partisë kishte kryefjalë “masakrën zgjedhore”, dhe bënte krahasim me kandidatët e tjerë që nuk e përmendin masakrën zgjedhore dhe nuk bëri asgjë. Mund ta nisim nga shpjegimi më pak akuzues, që në 8 vite nuk ka më energji për betejë, një marrëveshje qoftë e lartë ose e nënkuptuar se shpjegim tjetër pse të lesh masakrën zgjedhore”, tha Bumçi në Report Tv.
Sipas Bumçit, demokratët “po përdorin” Sali Berishën për të larguar Lulzim Bashën, e ndërsa u shpreh me bindje se ish-kryeministri nuk do të jetë i vetmi kandidat për kryetar për kreun e PD, që ato kanë shpallur. Berishën e përshkroi si një figurë të pazëvendësueshme në PD e që do të marrë drejtimin e partisë për një periudhë tranzitore.
“Nuk di qëndrim të amerikanëve që ka thënë se Basha është kryetar i PD dhe nuk duhet të largohet, SHBA që përdoren kaq shumë nga Basha nuk kanë thënë në asnjë moment, as kur erdhi Escobar, që ai është lideri ynë dhe duhet të jetë në krye të PD, demokratët kërkojnë të largojnë një kryetar që nuk i besojnë më, nuk ka të bëjë me çështjen Amerikane. Demokratët kanë hequr dikë, nuk kanë prodhuar dikë. Po e nis me PD dhe më pas me Non Grata, PD janë anëtarët e saj, është pro shkarkimit të Bashës dhe Berisha ngjizi këtë energji, njerëzit që mbushën Foltoren dhe Kuvendin iu përgjigjën thirrjes shumë shpejt që tregon se demokratët ishin shumë të mërzitur, njeri tjetër tani në PD nuk ka, shërben si ai që i jep jetë një projekti politike, i pazëvendësueshëm tani në PD, e mbështes se ka projekt për një PD të madhe. Një figurë të pazëvendësueshme tranzitore, se askush tjetër nuk e luan këtë rol dhe për një periudhë 2-3 më shumë më pak në varësi të gjallërisë së PD , në këtë hark kohor jam i bindur se do dalin dhe shumë figura të tjera që do jenë kandidatura për kryeministër, apo stafetën e PD, por në këtë periudhë disa vjeçare është figurë e domosdoshme”, u shpreh Bumçi.
Për Bashën, Bumçi tha se është krejtësisht i lirë të krijojë fraksionin e tij.
“Nëse Basha do të krijojë fraksionin e tij le ta krijojë, me sa % të ketë dhe mbështetësit e tij të jenë pjesë e fraksionit Basha në PD”, tha ai./reporttv
