Presidenti rus Vladimir Putin mbërriti mëngjesin e sotëm në Kirgistan, në vizitën e tij të parë zyrtare jashtë vendit që kur Gjykata Ndërkombëtare Penale (ICC) lëshoi një urdhër arresti kundër tij.
Putin do të takohet sot me homologun e tij të Kirgistanit, Sadyr Japarov dhe nesër do të marrë pjesë në samitin e liderëve të Komonuelthit të Shteteve të Pavarura (CIS), i cili bashkon disa ish-republika sovjetike.Kreu i Kremlinit i cili ka refuzuar të marrë pjesë në disa samite ndërkombëtare për shkak të urdhrit të arrestit të Gjykatës Ndërkombëtare Penale me akuzën për “deportim” të fëmijëve ukrainas, nuk rrezikohet të arrestohet gjatë këtij udhëtimi, pasi Kirgistani, një vend fqinj i Azisë Qendrore në Moskë, nuk ka ratifikuar Statutin e Romës për krijimin e Gjykatës Ndërkombëtare Penale.
Presidenti rus do të takohet gjithashtu me liderin e Azerbajxhanit Ilham Aliyev, i pari pas fitores së Bakut në Nagorno-Karabakh. Kryeministri armen, Nikol Pashinian, marrëdhëniet e të cilit me Rusinë janë tensionuar, do të mungojë në samitin e CIS. Gjatë kësaj vizite, e cila përkon me 20-vjetorin e hapjes së bazës ushtarake ruse Kant në Kirgistan, Putin do të bisedojë me presidentin e Kirgistanit Sadyr Japarov.
Në samitin e nesërm të vendeve të ish-Bashkimit Sovjetik do të jetë edhe aleati kryesor i kreut të Krmelinit, presidenti i Bjellorusisë, Aleksandër Lukashenko, por edhe liderë që janë të dyshimtë për pushtimin e Ukrainës si kazaku Kassym-Jomart Tokayev dhe uzbeku Shavkat Mirziyoyev.
