Miliarderi Rupert Murdoch edhe pse vedosi që të hiqte dorë nga frenat e pushtetit në perandorinë e tij mediatike, por duket se ai beson se mosha e tij 92-vjeçare dhe për pak ditë mbush 93 vite, nuk është pengesë për dashurinë e re apo një martesë të re.
Të enjten, zyra e zotit Murdoch njoftoi se miliarderi kishte në plan të martohej me të dashurën e tij, Elena Zhukova, 67 vjeç, një biologe molekulare në pension, me të cilën filloi të takohej në verën e kaluar.
Dasma është planifikuar që të mbahet në qershor, dhe do të jetë e pesta për Murdoch.
Pasi u divorcua nga Jerry Hall, modelja dhe ish-gruaja e Mick Jagger, në verën e vitit 2022, ai u fejua me Ann Lesley Smith në pranverën e vitit 2023. Megjithatë, ai e ndërpreu befasisht pas dy javësh fejesën.
Si e njohu partneren e re?
Ai u takua me Zhukova përmes gruas së tij të tretë, Wendi Deng, në një dasmë.
Znj. Zhukova u shqua si biologe molekulare që studion diabetin, duke përfshirë edhe Universitetin e Kalifornisë, Los Anxhelos, por edhe ajo gjithashtu ka një origjinë intriguese.
Pasi erdhi në Shtetet e Bashkuara nga Moska në fund të Bashkimit Sovjetik, ish-bashkëshorti i saj, Alexander Zhukov, u bë një investitor i energjisë (ai tani banon në Londër si shtetas britanik).
Vajza e saj, Dasha Zhukova, është një filantropiste e shquar, sipërmarrëse dhe mbrojtëse e artit, e cila deri në vitin 2017 ishte e martuar me oligarkun rus Roman Abramovich.
Një përfaqësues i zotit Murdoch konfirmoi se ftesat për dasmë tashmë kanë dalë dhe ceremonia do të mbahet në pronën e tij në Kaliforni, Moraga.
Murdoch njoftoi se do të tërhiqej si drejtues i bizneseve të tij në vitin e kaluar, pasi djali i tij Lachlan mori frenat më të plotë.
Martesa e zotit Murdoch nuk ka gjasa të ndikojë në të ardhmen e kompanisë, pasi aksionet e saj i përkasin atij dhe katër fëmijëve të tij më të mëdhenj – një me gruan e tij të parë, Patricia Booker, tre të tjerët me gruan e tij të dytë. , Anna Murdoch Mann.
