I ftuar në një intervistë ekskluzive në SYRI TV me Armela Ferkon, Michael Rubin, ish-zyrtar në Pentagon, ka folur në lidhje me artikullin e tij për ish-ambasadoren amerikane në Tiranë, Yuri Kim, që sipas tij është përmendur shpesh në kontekste të ndryshme, kryesisht jo pozitive, gjatë periudhës së saj në detyrë në Shqipëri dhe nëpër botë.
Duke u ndalur te aktiviteti i saj si diplomate në Tiranë, Rubin theksoi se ambasadorë amerikanë si Yuri Kim që mbështet një grup politikanësh në vend që të mbështesë të gjithë vendin dhe të mbështesë një parti në vend të të gjithë sistemit politik, e dëmton imazhin e ShBA.Rubin: Shqipëria ka qënë ‘pro’ amerikanë sepse ne kemi vlera të përbashkëta që kanë lidhje me lirinë dhe çfarë ka realizuar Shqipëria pas ‘Luftës së Ftohtë’, ka qënë e mrekullueshme.Vlerat tona reciproke nuk duhet të përfshijnë abuzimin me pushtetin dhe korrupsionin dhe kudo ku kam parë ambasadorë amerikanë si Yuri Kim që mbështet një grup politikanësh në vend që të mbështesë të gjithë vendin dhe të mbështesë një parti në vend të të gjithë sistemit politik, e dëmton imazhin e ShBA, prandaj mendoj se një qeverisje e mirë dhe një diplomaci e paanshme, duhet të jenë në interesin e sigurisë kombëtare të ShBA.
