Ndricim Kulla

Disa nga bëmat e  mbuluara të narkoshtetit  u zbuluan dhe dolën në  dritë të diellit  në rrëfimin e tretë të Arben Ahmetaj. Këto fakte të reja  tregojnë qarte dhe më qartë se pse po largohen njerëzit një nga një nga Shqipëria, duke i lënë trojet e saj në një shkretëtirë totale. Janë fakte shumë drithëruese të cilat, nëse i ridëgjon prej një kohe të baraslarguar nga koha jonë të cilën po e përjetojnë me vuajtje për shkak të tyre, të bëjnë që të lëvizësh nga vendi dhe të vraposh në përpjekje për ti harruar këto tmerre. Këto të vërteta që për së treti iu hapë  kapaku i misterit dhe shpërthyen nga e ish zv kryeministrit, dëshmojnë për një realitet social të pa  jetueshëm në Shqipëri. Duket qartë se Zeusi i hajnisë që ka hipur tinëz duke u kacevjerrur mbi tërë pushtetin e shqiptarëve me grabitje votash dhe dredhi mesjetare ka hapur gojën e grykësisë dhe në një betejë shkatërrimtare po vazhdon që të përpijë çdo cep toke ose shtylle elektrike që shikon në rrugë.

Arben Ahmetaj në arrati është një produkt i sistemit politik që e ndihmoi edhe s’ka se si të mos jetë edhe bashkëfajtor, por që duhet vlerësuar që tash ai po bashkëpunon me publikun duke e akuzuar fort regjimin dhe kreun e saj.

Kësaj radhe faktet e kthyera në  fenomene të pa besueshme  nga bota e tmerrshme e këtij regjimi, erdhën publikisht, si  një dëshmi e rrallë e asaj bote të kriminalizuar tërësisht nga padrejtësitë, hipokrizitë, vjedhjet masive të pasurive të popullit, drogës , burgimet politike të kundërshtarëve, intrigave monstruoze dhe  çdo gjëje tjetër të keqe që po  krijon një i mallkuar.

Edhe Bota e tretë do ti dëgjonte me habi historitë e rrëfyera të narkodiktaturës shqiptare prej ish kryeministrit shqiptar të regjimit.

Si është e mundur qe shqiptarët sot dëgjojnë me indiferentizëm histori të tilla anormaliteti, të cilat  i përjetojnë përditë në çdo cep  të jetës  së tyre të vështirë dhe të mos shprehin revoltën e tyre të zjarrtë në kohën e duhur  për ta përmbysur dhe “për ta shkulur  nga  rrënjët ”  farën e keqe që po na përpinë vazhdimësinë e jetës, të traditës, të ekzistencës kombëtare, ëndrrën  dhe dashurinë për ta gëzuar jetën në këtë vend ?!

 Më vjen ndërmend në këto çaste një kontrast i thellë historikë ,  kur kujtoj se shqiptarët kanë ngritur krye  një here në dhjet vjet nën sundimin otoman, i kanë dhënë lirinë Greqisë, kanë shpëtuar mbi një herë rrënimin e Perandorisë Otomane, i kanë dhënë Romës  dhe qytetërimit perëndimor  qëndresa të çmuara  historike dhe  qartësisht ,mbeten ndër  popujt më kontribuues të qytetërimit evropian në proporcion me numrin e popullsisë. Por  sot fatkeqësisht, nuk po  dallojnë në kohën e duhur të mirën nga e keqja, duke mos gjetur forcën dhe kthjelltësinë që ta ndalin të keqen e tyre që i ka pllakosur.

“Ne vuajmë urinë , ndërsa i mallkuari pi verë 33 mijë euro një shishe” dhe ha darke në kopshtin e luleve – deklaroi  në këtë rrëfim dëshmitari okular i ngjarjes Arben Ahmetaj për Edi Ramën,  duke e konkretizuar me provë dëshminë.

 Çfarë do të ndodhte në Kroaci ose gjetkë përreth nesh  në rast se kryeministri ndërton një histori korruptive 50 milionëshe si ajo që  Edi Rama  krijoi me biznesmenët turq për t’iu “dhuruar” ndërtimin e tunelit të Llogorasë pa tender fare, me kosto të  trefishuar dhe jashtë kritereve konkurruese?! Pse ia lejojmë ende vetes statuskuonë e dhimbshme dhe përçmuese që na ka krijuar regjimi?!

Ndalimi urdhërues i transparencës e ka kthyer Shqipërinë e realitetit diktatorial të Edi  Ramës në një bunker pa informacion, duke i shkaktuar pasoja të dhimbshme demokracisë, lirisë dhe zhvillimit të vendit.

Biseda e gjatë e realizuar nga  gazetari mirënjohur Çim Peka live në Syri. tv ndriçoi edhe më qartë të thënat e herë pas hershme nga opozita dhe sidomos prej  asaj medie  të lire e të pa kapur, se Edi Rama tashmë është  bërë pronë e sigurt e mafies, e cila me fuqinë shtrënguese të prodhimit dhe trafikimit të drogës, korrupsionit dhe krimit të organizuar, e ka shndërruar kryeministrin në një vegël  të skllavëruar që i bën të mundur autostradës së krimit dhe veprimtarisë antiligjore të jetë pa fundësisht e hapur..

Për të qenë i sinqertë, unë të vërtetat që dëshmoi Ahmetaj në këtë bisedë i përjetoj si të vërteta drithëruese, të cilat i dëshmon një person i cili ka qenë pjesëtarë në shpellën e krimeve , me faj apo pa faj  këtë  do ta  provoj drejtësia në të ardhmen, por jo kjo drejtësi  që drejton Altin Dumani dhe Sokol Sadushi. Mafia, kreun e zgjedhur të saj, përtej perdeve  të errësirës  pa transparencë,  e ka marrë  dorë për dore  dhe po e shëtit nga një denstinacion relaksues në tjetërin, duke përkëdhelur ndërkohë interesat e saj të kundraligjshme në fytyrën e tij

Ku gjendet SPAK-u i pseudodrejtësisë  së sotme  mbas kësaj dite, kur ish zv kryeministri regjimit që po vetë denoncon regjimin, deklaron se Ramës dhe zonjës  së tij i janë paguar nga një biznesmen afër familjes nga  8000 euro secilit   vetëm për  një seancë në një hotel detoksifikimi në Itali. SPAK-un taksapaguesit shqiptarë e kanë investuar me sakrificë për të hetuar abuzuesit e  financave publike me pushtetin dhe jo për të ruajtur pushtetin e Edi Ramës,  si ushtari në vendroje?!

Krimi po bën spektakël.

Në Kolumbinë botërore të drogës, trafikantët  mund ta përfytyrojnë si një ëndërr të pa realizuar kurrë që të kishin  kryeministër një si ky i yni, i cili vendos komisar policie bashkëpunues me trafikantet, drejtorin  e përgjithshëm të porositur nga gjiri i hienave të kokainës, prokurorë figura që kanë lëvizur nëpër skutat e errëta të bashkëpunimit me krimin, ministra, që koordinohen prej kriminelëve dhe mbi të gjitha një kryeministër që është ushtrues i profesionit  të gjitha këtyre profesioneve që e kanë bërë shtetin gërdallë dhe demokracinë inekzistente.

 Zgjohuni o njerëz, si mund ta durojmë  më tej këtë shkatërrimtar?!