Demokracitë më të forta të botës në 2024/ Shqipëria mbetet jashtë renditjes
Indeksi i Demokracisë për vitin 2024 ka zbuluar një rënie të ndjeshme të standardeve demokratike në mbarë botën, duke shënuar pikën më të ulët që nga viti 2006. Sipas të dhënave, vetëm 45% e popullsisë globale jeton në një demokraci, ndërsa 39% jetojnë nën regjime autoritare dhe 15% në regjime hibride.
Pavarësisht faktit që viti 2024 solli numrin më të madh të zgjedhjeve në historinë moderne, demokracia po përballet me sfida serioze. Kjo rënie e madhe është reflektuar edhe në renditjen e fundit të shteteve më demokratike në botë, të publikuar përmes Indeksit të Demokracisë.
Shtetet më demokratike sipas renditjes janë:
- Norvegjia
- Zelanda e Re
- Suedia
- Islanda
- Zvicra
- Finlanda
- Danimarka
- Irlanda
- Holanda
- Luksemburgu
- Australia
- Tajvani
- Gjermania
- Kanadaja
- Uruguaji
- Japonia
- Mbretëria e Bashkuar
- Kosta Rika
- Austria
- Mauritius
- Estonia
- Spanja
- Republika Çeke
- Portugalia
- Greqia
- Franca
- Malta
- SHBA
- Kili
- Sllovenia
- Izraeli
- Koreja e Jugut
- Letonia
- Belgjika
- Botsvana
- Lituania
- Cabo Verde
- Italia
- Polonia
- Qipro
Në këtë listë siç duket mungon Shqipëria, e cila nuk arrin të përfshihet mes 40 vendeve më demokratike të botës. Vendi vazhdon të përballet me probleme të vazhdueshme në sundimin e ligjit, pavarësinë e institucioneve, lirinë e medias dhe besueshmërinë e procesit zgjedhor. Këto faktorë ndikojnë drejtpërdrejt në përkeqësimin e perceptimit dhe vlerësimit të demokracisë në Shqipëri, duke e lënë jashtë renditjeve të vendeve me standarde të larta demokratike.
